KUTBAH KA 1
اَلْحَمْدُ لِلّهِ الَّذِيْ بِنِعْمَتِهِ تَتِمُّ الصَّالحِاَتِ، بِيَدِهِ الشَّفَاعَاتِ، أَشْهَدُ أَنْ لاَإِلهَ إِلاَّ اللهُ ذُو الْعَرْشِ رَفِيعُ الدَّرَجَاتِ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ الْمَعْصُوْمُ مِنْ كُلِّ السَيِّئَاتِ، وَالصَّلاَةُ وَالسَّلاَم ُعَلَى سَيِّدِنَا مُحَمَّدٍ أَكْمَلَ الْمَخْلُوْقَاتِ. أمّا بعد.
فَيَاأَيُّهَا الْحَاضِرُوْنَ إِتَّقُوا الله َحَقَّ تَقْوَاهُ وَاعْلَمُوْا أَنَّ الْجَنَّةَ أُعِدَّتْ لِلْمُتَّقِينَ
بِسْمِ اللهِ الرَّحْمنِ الرَّحِيْم ِوَلَا تَنفَعُ الشَّفَاعَةُ عِندَهُ إِلَّا لِمَنْ أَذِنَ لَهُ حَتَّى إِذَا فُزِّعَ عَن قُلُوبِهِمْ قَالُوا مَاذَا قَالَ رَبُّكُمْ قَالُوا الْحَقَّ وَهُوَ الْعَلِيُّ الْكَبِيرُ -٢٣
عن أبي هريرة رضي الله عنه عن النبي صلى الله عليه وسلم قال : " سَبْعَةٌ يُظِلُّهُم ُاللهُ ِفي ظِلِّهِ يَوْم َلا َظِلَّ إِلا َّظِلَّهُ ، إِمَامٌ عَادِلٌ وَشَابٌ نَشَأَ ِفي عِبَادَةِ الله ِ، وَرَجُلٌ قَلْبُهُ مُعَلَّقٌ بِالمْسَاجِدِ ، وَرَجُلاَنِ تَحَابَا فِي الله ِاجْتَمَعَا عَلَيْهِ وَتَفَرَّقَا عَلَيْه ِ، وَرَجُلٌ دَعَتْهُ امْرَأَة ٌذَاتَ مَنْصَبٍ وَجَمَالٍ فَقَالَ إِنِّيْ أَخَافُ اللهِ . وَرَجُلٌ تَصَدَقَ بِصَدَقَةٍ فَأَخْفَاهَا حَتَّى لاَ تَعْلَمُ شِمَالُهُ مَا تُنْفِقُ يَمِيْنُهُ ، وَرَجُلٌ ذَكَرَ اللهَ خَالِياً فَفَاضَتْ عَيْنَاهُ " مُتَّفَقٌ عَلَيْهِ
Hadirin jama’ah jum’at rohimakumulloh...
Aya hadits anu patut ku urang renungkeun dina kasempatan ayeuna nyaeta nu patali sareng jalma-jalma anu bakal kenging panangtayungan Alloh dina poe kiyamat. Anu dimaksud panangtayungan didieu nyaeta naungan ‘Arasy Alloh swt sakumaha dikuatkeun riwayatna ku Ibnu Hajar dina Fathul Bari...
عَنْ أَبِيْ هُرَيْرَةَ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : " سَبْعَةٌ يُظِلُّهُمُ اللهُ فِيْ ظِلِّهِ يَوْمَ لاَ ظِلَّ إِلاَّ ظِلُّهُ ، إِمَامُ عَادِلٌ وَشَابٌ نَشَأَ فِيْ عِبَادَةِ اللهِ ، وَرَجُلٌ قَلْبُهُ مُعَلِّقٌ بِالْمَسَاجِدِ ، وَرَجُلَانِ تَحَابًا فِي اللهِ اجْتَمَعَا عَلَيْهِ وَتَفَرَّقًا عَلَيْهِ ، وَرَجُلٌ دَعَتْهُ امْرَأَةٌ ذَاتَ مَنْصُبٍ وَجَمَالٍ فَقَالَ إِنِّيْ أَخَافُ اللهَ . وَرَجُلٌ تُصَدِّقُ بِصَدَقَةٍ فَأَخْفَاهَا حَتَّى لَا تَعْلَمَ شِمَالُهُ مَا تُنْفِقُ يَمِيْنُهُ ، وَرَجُلٌ ذِكْرٌ اللهَ خَالِياً فَفَاضَتْ عَيْنَاهُ " متفق عليه
Ti Abu Hurairah ra. Ti Nabi saw, anjeuna ngadawuh : “tujuh golongan anu bakal meunangkeun kana panangtayungan Alloh dina poe dimana moal aya panangtayungan kajaba naungan-Na :
1. إِمَامُ عَادِلٌ pamimpin anu ‘adil jeung bijaksana.
2. وَشَابٌّ نَشَأَ فِيْ عِبَادَةِ اللهِ pamuda yang anu dewasa dina ibadah ka Alloh swt.
3. وَرَجُلٌ قَلْبُهُ مُعَلَّقٌ فِي الْمَسَاجِدِ laki-laki anu hatena cumantel ka masjid ke masjid.
4. وَرَجُلَانِ تَحَابًّا فِى اللهِ إجْتَمَعَا عَلَيْهِ وَتَفَرَّقًا عَلَيْهِ dua jalma anu pada mikacinta di jalan Alloh, duanana ngahiji ku sabab Alloh jeung pisahna oge kusabab Alloh.
5. وَرَجُلٌ دَعَتْهُ إمْرَأَةٌ ذَاتَ مُنْصَبٍ وَجَمَالٍ فَقَالَ إِنِّيْ أَخَافَ اللهُ laki-laki anu diajak zinah ku hiji awewe anu ngabogaan kageulisan jeung kedudukan, tuluy anjeuna nyarios “kuring bener-bener sieun ka Alloh”.
6. وَرَجُلٌ تُصَدِّقُ بِصَدَقَةٍ فَأَخْفَاهَا حَتَّى لَاتَعْلَمَ شِمَالُهُ مَاتُنْفِقُ يَمِيْنُهُ jalma anu sodakoh bari sasamaran sahingga panangan anu kenca teu apal kana naon anu diinfakkeun ku panangan katuhuna. jeung anu terakhir nyaeta.
7. وَرَجُلٌ ذِكْرُ اللهَ خَالِيًا فَفَاضَتْ عَيْنَاهُ jalma anu dzikir ka Alloh dina kaayaan sepi tuluy manehna neteskeun cai socana”. (HR.Bukhari dan Muslim).
Mudah-mudahan urang sadayana ngengingkeun panangtayungan Alloh swt Aamiin Ya Robbal ‘Alamiin...
بَارَكَ اللهُ لِيْ وَلَكُمْ بِمَا فِيْهِ مِنَ اْلأَيَاتِ وَذِكْرِ الْحَكِيْمِ وَتَقَبَّلَ مِنِّى وَمِنْكُمْ تِلَاوَتَه ُإِنَّهُ هُوَ السَّمِيْعُ اْلعَلِيْمِ....
Khutbah ka 2
نَحْمَدُ اللهَ تَبَارَكَ وَتَعَالَى عَلَى النِّعْمَاءِ وَالسَّرَّاءِ، وَنَسْتَعِيْنُهُ عَلَى اْلبَأْسَاءِ وَالضَّرَّاءِ، أَشْهَدُ أَنْ لَّا إِلَهَ إِلَّا اللهُ وَحْدَهُ لَيْسَ لَهُ أَنْدَادَ وَلَا شُرَكَاءُ، وَأَشْهَدُ أَنَّ مُحَمَّدًا خَاتَمَ الرُّسُلِ وَاْلأَنْبِيَاءِ، وَنُصَلِّى عَلَى مُحَمَّدِ الْمَعْصُوْمِ فَمَا أَخْطَأَ وَمَا أَسَاءَ، أما بعد,
فَيَا عِبَادَاللهُ, أُوْصِيْكُمْ وَإِيَّايَ بِتَقْوَى اللهِ فَقَدْ فَازَ اْلمُتَّقُوْنَ. إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ, يَاأَيُّهَا اَّلذِيْنَ أَمَنُوْا صَلُّوْ عَلَيْهِ وَسَلِّمُوْا تَسْلِيْمَا. اَللَّهُمَّ صَلِّ عَلىَ سَيِّدِنَا مُحَمَّدٍ وَعَلَى ألَهِ وَصَحْبهِ ِأَجْمَعِيَن.
اَللَّهُمّ َاغْفِرْ لِلْمُؤمِنِيْنَ وَالمْؤمِنَاتِ وَالْمُسْلِمِيْنَ وَالمْسْلمِاَتِ, اَلأحْيَاءِ مِنْهُمْ وَالأَمْوَاتِ،. اَللَّهُمّ َاشْفَعْ لَنَا يَوْمَ لَاتَنْفَعُ الشَّفَاعَة ِإِلّاَ مَنْ أَذنِتْ لَهُ اَللَّهُم َّنَوِّرْ قُلُوْبَنَا بِنُورِ هِدَايَتِكَ كَمَا نَوَّرْتَ الْأَرْض بِنُورِ شَمْسِكَ أَبَدًا أَبَدَا, بِرَحْمَتِكَ يَاأَرْحَمَ الرَّاحِمِيَن.
عِبَادَالله إِنَّ اللهَ يَأمُرُ بِالْعَدْلِ وَالإِحْسَان وَإِيْتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْي يَعِظُكُم ْلَعَلَّكُمْ تَذَكَّرُوْنَ. أَسْتَغْفِرُ اللهَ الْعَظِيْم ِلِى وَلَكُمْ.

Khotib : Ust. Aliza Bighofiq (BPH-HUSDA)


Rosululloh SAW parantos ngadawuh:

(عن المقدام بن معدي كرب اَنَّ رَسُولَ الله صلى الله عليه وسلم قال: مَا مَلاَءَ اَدَمِيُّ وِعَاءَ شَرًّا مِنْ بَطْنِهِ, بِحَسْبِ ابْنِ اَدَمَ لُقَيْمَةٌ يُقِمْنَ صُلْبَهُ فَاِنْ كَانَ لاَمحَاَلةَ فَاعِلًا فَثُلُثٌ لِطَعَامِه وثُلُثٌ لِشَرَا بِه وثُلُثٌ لِنَفَسِهِ   (رواه الترمذى وابن حبان

“Jalma henteu minuhan kana hiji wadah anu leuwih goreng tibatan beuteungna, cukup pikeun jalma sababaraha huap leutik, anu matak ngajegkeun kana tonggongna, lamun teu sanggup migawe eta, maka sapertilu peujit jadikeun pikeun wadah dahareun, sapertiluna deui jang wadah inuman, nu sapertilu deui kosongkeun jang ruang nafas.”

Ieu hadits ngajelaskeun kamanfa’atan dina nyaeutikeun barang dahar, oge nyacad kana seubeuhna barang dahar, sabab dina seubeuhna barang dahar, aya sababaraha panca bahaya anu kena kana awak manusa, jeung bahaya pikeun kahirupan agama.

Syeikh Zaenuddin almalebary dina kitab kifayatul atqiya nyaurkeun “aya genep panca bahaya nu ditimbulkeun tina gara-gara seubeuh barang dahar:

1. Matak beurat awak.

2. Matak teuas hate.

3. Matak leungit kacerdasan.

4. Lemah awak pikeun ngalakukeun ibadah jeung nyuprih elmu.

5. Matak loba sare.

6. Matak nguatan kana syahwat jeung ngabantu balad tentara setan”.


PENJELASAN

Teu aya wadah nu paling goreng manakala dipinuhan iwal ti beuteung, ieu ngajelaskeun bahwa barang dahar leuwih tina ukuranna eta bahaya, parantos di jelaskeun ku Kanjeng Rosul tentang barang dahar anu alus, ieu nandakeun bahwa islam agama anu universal.

Moal aya agama anu kumplit aturanana saperti islam, sabab sagala perkara diatur ku islam, timimiti nyeunghil, kekemu, nepi ka masalah kriminal diatur ku islam. Yaqin islam hiji-hijina agama anu bener, anu ditampi ku Alloh, sabab sagala perkara diatur ku islam, model dina barang dahar, ulah loba teuing barang dahar, cukup pikeun bisa ajeg tonggong, teu kudu sabeuntana bujal.

Peujit manusa teh 18 jengkal: 6 jengkal jang dahareun, 6 jengkal jang inumeun, jadi nu diisian 12 jengkal, anu 6 jengkal deui ulah di isian, eta mah jang ngarenghap nafas. Ulah nepi peujit teh diisian kabeh. Sabab bakal aya madaratna, bakal bijil mangrupa-rupa panyakit, sabab timbulna panyakit eta aya di beuteung. Insya Alloh manakala nurut kana naon anu diatur ku Kanjeng Rosululloh SAW, maka dahar bakal jadi sumber kakuatan jeung kasehatan, moal nimbulkeun hal-hal anu matak jadi panyakit, lamun leuwih tikitu deet kana keuna panyakitna, lantaran aya katerangan رأس الداء البطن modal datangna panyakit mah pinuhna beuteung, nu disebut panyakit darah tinggi gara-gara tina beuteung, hampir sagala rupa panyakit timbul tina dahareun. Tapi lamun balik kana aturan anu geus digariskeun ku Kangjeng Rosululloh SAW, insya Alloh bakal timbul kamanfa’atan

لا شئ انفع من تقلل اكله

Teu aya nu leuwih manfa’at dari pada nyaeutikeun barang dahar. Manfa’at pikeun awak, nyakitu deui manfa’at pikeun agama. Jang awak manfa’at nimbulkeun kasehatan, nyakitu deui jang agama moal matak nimbulkeun kamadaratan dina agama.

Sawangsulna dina loba barang dahar, eta aya panca bahayana.

6 panca bahaya anu ditimbulkeun tina ladang loba barang dahar :

1. ثقل الجسم matak beurat awak, loba barang dahar otomatis beurat awak, hoream nangtung, hoream leumpang, akhirna jadi jelema kebluk, bareurat awak gara-gara loba barang dahar, acan deui nu ditimbulkeun gara-gara panyakit matak beurat kana awak.

2. قسوة القلب matak teuas hate, ari teuas hate teh lain hatena teuas kawas batu, tegesna mah teu narima kana papatah tibatur.
Rosululloh SAW ngadawuhkeun:

من قل طعمه صح بطنه

“Saha jalma nu saeutik barang daharna maka bakal sehat beuteungna”.

ومن كثر طعمه سقم بطنه وقس قلبه

“Saha jalma nu loba barang daharna, bakal panyakitan beuteungna, jeung bakal teuas hatena.”

Teuas dina harti hese kana nampa papatah, bakal jadi jalma nu takabur, nolak kana hak nu dibawa ku jalma sejen.

3. Matak leungit kacerdasan, jalma anu cerdas loba teuing barang dahar, leungit cerdasna.

Matak pikeun santri mah “kudu kuru cileuh kentel peujit”, kurang sare, kurang barang dahar, dimana jalma geus kitu bakal cerdas pamikiranana.

Sayyidina Ali ngadawuhkeun:

البطنة تذهب الفطنة

“Ari kembung beuteung tegesna loba barang dahar bakal ngaleungitkeun kana kacerdasan”.

4. تضعيف الجسم عن العبادة والعلم ngalemahkeun awak dina ibadah sareng dina tholabul ilmi. Lantaran loba teu purun, ibadah jadi teu kaduga, akibat loba teuing barang dahar. Nyakitu deui elmu ge jadi lemah, sabab tadi leungit kacerdasanana.

Lukman Alhakim papatah ka putrana:

يا بني اذامتلئت المأذة نامت الفكرة


“Hei anaking !! Diman-mana kadut tegesna beuteung pinuh ku dahareun, maka pikiran bakal sare.” Berarti geus teu hayang mikir deui, leungit kacerdasannana.

وخرسة الحكمة

jadi pego hikmah, jadi teu bisa nyaritakeun kata-kata hikmah manakala beuteung pinuh.

وقاعدة الاعضاء عن العبادة

“Anggota ge bakal cicing dina ngalakukeun ibadah.”

5. جلب النوم narik-narik kana sare, bakal loba sare loba nundutan.

Sapalih ahli hikmah sasauran:

من كثر اكله كثر شربه

“Saha jalma anu loba barang daharna, maka bakal loba nginumna”.

ومن كثر شربه كثر نومه

“Saha jalma anu loba nginumna, maka bakal loba sarena”.
Lantaran loba minuman dina badan biasana ari cai teh sok neangan tempat anu panas, teu aya deui dina awak anu paling panas teh nyaeta otak, jadi nguap ka luhur. Dimana-mana banyak cairan, maka beurat pikeun beunta, ngarana tunduh otomatis loba sare.

ومن كثر نومه كثر لحمه

saha jalma anu loba sarena maka bakal loba dagingna.

ومن كثر لحمه قسى قلبه

sahajalma anu loba dagingna, maka bakal teuas hatena.

ومن قسى قلبه غرق فى الاثم

saha jalma anu teuas hatena, maka bakal hanyut dina lautan dosa. Naudzubillahimindzalik.

6. تقوية شهوة Matak ngajagjagkeun syahwat. Lamun syahwat parji nyaeta libido, libido syahwat bakal naek. Matak teu aya deui, jalma anu gede libido syahwatna, iwal ti kudu loba puasa.

Dina hadits Rosululloh saw ngadawuhkeun:

يا معشر الشباب من استطاع منكم الباعث فا اليتجوز

hei para pemuda! Saha anu geus mampu memberikan biaya nafakah rumah tangga geura karawin.

فانه اغض للاصان للفرج

“Lantaran ku ayana rumah tangga matak meureumkeun panon, jeung ngajaga parji”.

فان لم يستطع فعليه بالصيام

“Lamun teu mampu (can mampu mere biaya), maka kudu puasa”.

فانه له وجاء

lantaran puasa ngosongkeun beuteung (ngabiasakeun lapar) eta teh matak jadi perisai (penghalang) tina kejahatan syahwat. Manakala beuteung dibere seubeuh, bakal jagjag kuat awak, otomatis bisa ngundang kana syahwat.

Mudah-mudahan urang sadayana tiasa ngajaga barang dahar anu dicontokeun ku Kangjeng Rosululloh SAW, ngabiasakeun dahar sacukupna pangabutuh, henteu leuwih tina takeran


Notulen: Ahmad Misbahudin


Rasa sieun jeung rasa tugenah anu setiap manusa nolak dina eta rasa, sabab karasa tina eta rasa jadi kasiksa, sanajan dibarengan ku sagala aya, sabalikna dina eta rasa anu diteangan ku manusa sabab dirina bakal betah sanajan teu dibarengan sagala aya, Alloh bakal maparinkeun manusa didunia jauh tina rasa nalangsa jeung rasa hariwang pikeun anu sagala boga atawa anu sagala teu boga, boh budak atawa kolot teu ningali anu pinter atawa anu bodo sabab memang materi dunia teu mutlak mere rasa katenangan. Nyaeta jalma anu iman ka Alloh tur patuh kana sagala parentah katut anu dilarang ku Alloh.

PENJELASAN

Satiap langkah, polah, berpikir pilempangeun nu dilakukeun ku urang intina nyaeta ngahindar tina kasiksana diri, tina tekanan jiwa, tina tekanan pikiran, hayang jauh tina pihariwangeun, tina pinalangsaeun. Raga manusa nerjemahkeun ayana eta rasa, nunyangka eta rasa ayana dina duit maka nu diuber ku dirina piduiteun, anu nyangka eta rasa aya dina tatanen maka dirina bajal ngusahakeun jadi sukses tina tanina, prasangka eta terbantahkeun ku dauwhan alloh surat As-Saaffaat ayat : 96

وَاللَّهُ خَلَقَكُمْ وَمَا تَعْمَلُونَ

Bahwa manusa, aranjeun jeung naon anu aya diaranjeun sadayana Kami Alloh anu mikeun.

Anjeun meunang Alloh, kabungah anu aya dianjeun ge meunang Alloh, kasusah oge meunang Alloh, satiap buah boga rasa buah tapi teu setiap rasa buah kudu aya dina buah da aya rasana tapi buahna euweuh, satiap cengek lada tapi teu satiap lada aya dina cengek da aya lada tapi cengek na teu aya, satiap gula amis tapi teu satiap amis eta tina gula da aya anu amis tapi tanpa gula. Mumkin duit bisa mere kabungah tapi kabungah teu mutlak tina duit, da aya kabungah lain tina duit, bahkan duitna aya, nu aya susah. Alloh ngadawuhkeun dina Al-quran surat Yunus ayat 62 :

أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُون

Bahwa Alloh nyiptakeun komunitas manusa anu eta manusa terhindar tina خوف (khauf), manusa terhindar tina ) حزنhazan), لَا خَوْفٌ عَلَيْهِمْ وَلَا هُمْ يَحْزَنُون (walaa khoufun ‘alaihim walaahum yahzanuun) satiap saat Alloh nyiptakeun manusa anu eta manusa teu sieun, teu ngabogaan rasa sieun, teu ngabogaan rasa nalangsa, perjalanan hidupna selalu ceria. Dimana bae tempat jadi kabetahna, naon anu didahar jadi kangeunahna, Alloh ngajaminkeun aya kehirupan anu sapertikeun kitu pikeun manusa.

Saha manusa anu bakal di bere? الَّذِينَ آمَنُوا وَكَانُوا يَتَّقُونَ nyaeta manusa anu iman ka Alloh tur bukti tina kaimanan jadi manusa anu selalu taqwa ka Alloh. Lain ngan saukur mangeran ka Alloh lain ngan saukur percaya Alloh teh aya, lain teu apal Alloh teh anu ngayakeun urang, tapi ngabuktikeun bahwa satiap parentah anu di parentahkeun, larangan anu dilarang eta anu jadi pusat kahirupan nana, sagala hal sagala perkara, nalika babarengan jeung perintah Alloh, nalika babarengan jeung anu dicarek ku Alloh selalu ngaheulakeun parentah Alloh, ngajauhan tina naon anu dicarek ku Alloh.

اوليا (Aulia) teh nyaeta من طول طعته (manthowwal tho’atuhu) manusa anu teu pernah eureun kupedah bosen, teu pernah eureun kusabab malal, kusabab teu purun, sabab aya hal anu lewih alus anu berkesinambungan diganggu karesep, diganggu kateungeunah, diganggu ku hal-hal anu pikaresepeun, tetep dirina memperhatikeun tugas utama parentah jeung naon anu dilarang itulah manusa الَّذِينَ آمَنُوا وَكَانُوا يَتَّقُونَ anu dijaminkeun لَا خَوْفٌ عَلَيْهِمْ وَلَا هُمْ يَحْزَنُون terserah naha manehna anu serba boga manusa anu sagala nyampak, manusa anu ngabogaan ekonomi, ngabogaan harta kekayaan atawa manusa anu teu ngabogaan naon-naon, imah ge meunang nyewa, naha budak atawa kolot, salila dirina manusa Alloh ngajaminkeun لَا خَوْفٌ عَلَيْهِمْ وَلَا هُمْ يَحْزَنُون, komunitas manusa anu ku Alloh dijaga perasaan nana dijaga batin na, teu meunang aya kateubetah dina hatena, teu meunang aya rasa sieun dina jiwana, dijaga ulah kaeuntreupan ku ragu-ragu dina pikirna, dijagaan ku Alloh. Bahkan Alloh nguatkeun dina Al-quran surat Yunus ayat 24 :

لَهُمُ الْبُشْرَىٰ فِي الْحَيَاةِ الدُّنْيَا وَفِي الْآخِرَةِ ۚ لَا تَبْدِيلَ لِكَلِمَاتِ اللَّهِ ۚ ذَٰلِكَ هُوَ الْفَوْزُ الْعَظِيمُ

dijaga pikir na ku Alloh, dijaga rasana ku Alloh, teu meunang ngarasa nalangasa, teu meunang ngarasa sedih, teu meunang ngarasa kurang, teu meunang ngarasa tugeunah, tapi tetep ku Alloh dijaga selalu bahagia dina kahirupannana. Nu beunghar bisa nu miskin layak, nu pinter bisa nu bodo teu jadi halangan, nu leutik bisa kolot oge bisa. Teu aya batas selama anu ngarana manusia anu selalu menomor satukan ngaheulakeun terkonsentrasi teu aya panyarek anu dilakonan, teu aya parentah anu ditinggalkeun. Itulah hakekat anu pang badag-badagna kabagjaan anu luar biasa.

Parentah Alloh siapapun apal, naon anu dicarek ku Alloh siapapun apal, urang jeung batur sarua dialam dunia 24 jam sapoe, urang jeung batur nafasna sarua udara anu sama, langitna sarua bumina sarua. Balik deui kadiri urang balik duei ka satiap indifidu manusa, apakah bisa percaya atas janjina Alloh?, kemudian refleksina nganomor hijikeun parentah atau memang ngan saukur wawasan pamikiran teu jadi niat-niat acan, pikeun barobahna diri eta balik deui kana hidayah jeung taufik milik Alloh SWT.

Jalma anu teu meunang hidayah teu meunang taufik, boro boro ditempat salah ditempat nu bener ge bisa salah, boro-boro ditempat maksiat di masjid ogenan bisa maksiat, jalma anu teu meunang hidayah jeung taufik boror-boro dina situasi pesta, dina situasi ngaji ogenan bisa seuseurian siga anu pesta, betapa mahalna hidayah, betapa mahalna taufik ti Alloh SWT.

Mudah mudahan urang termasuk manusa anu meunang taufik sareng hidayah ti Alloh SWT, sahingga bener-bener ngajadi jajaran ti manusa anu dijaga ku Alloh teu meunang sedih, teu meunang nalangsa, teu meunag tugenah, teu menang nyeri, tapi nu aya kabungah, tenang jeung kasenangan di dunia jeung diakherat Aminn.


Notulen: BPHMEDIA

Miftahul Huda

{picture#https://scontent.fcgk9-1.fna.fbcdn.net/v/t1.0-9/22555265_10155045104696662_7683761940892936903_n.jpg?_nc_cat=102&_nc_eui2=AeF68pIuZ8SjsJQHpgPg4-NbdF-3IDs8XdgyZphLykWdGgvFmr9f8U0k_g0j7z9ZnpUxvBx_SG77cnerBYPY59WPiDc8TjKxlIkEMTfh_l6J4g&_nc_oc=AQkRsFmL6xMWGMc5K8AXSfkPWKatFR6FTo-nNIhFNlBe7YaZ2h0g_VK3oH3M2Jno9ZU&_nc_ht=scontent.fcgk9-1.fna&oh=749b8223d2672cfad3c3f0333c8fc986&oe=5DBC3EAE} Admin Pondok Pesantren Miftahul Huda {facebook#https://www.facebook.com/miftahul.huda.pusat/} {youtube#https://www.youtube.com/channel/UCn0seHUcRDxGOXbUj1MqlQA} {instagram#https://www.instagram.com/miftahulhudapusat/}
Diberdayakan oleh Blogger.